सबद-98
ओ३म् जिहि गुरु कै खिणहीं ताऊ खिणहीं सीऊं । खिणही पवणा खिणहीं पाणी । खिणहीं मेघ मंडाणो ।। कृष्ण करंता बार न होई । थल सिर नीर निवाणो ।। भला प्राणी विष्णु जंपो रे । ज्यूं मौत टलै जिरवाणो ।। भीगा है पण भेद्या नाहीं । पांणी मांहि पखाणो ।। जीवत मरो रे जीवत मरो । जिन जीवन की बिध जांणी ।। जे कोई आवै हो हो कर । आप जै हुईये पांणी ।। जाकै बहुती नवणी बहुती खवणी । बहुती क्रिया समाणीं ।। जाकी तो निज निर्मल काया । जोय जोय देखो ले चढ़ियो अस्मानीं ।। यह मढ देवल मूल न जोयबा । निज कर जपो पिराणी ।। अनन्त रूप जोवो अभ्यागत । जिहिंका खोज लहो सुर बाणी ।। सेतम सेतूं । जेरज जेरूं। इंडस इंडू । अइयालो उरध जे खैणी ।।९८।।