सबद-9
ओ३म् दिल साबत हज काबो नेड़े । क्या उलबंग पुकारो ।। भाई नाऊं बलद पियारो । ताकै गलै करद क्यूं सारो ।। बिन चीन्हैं खुदाय बिबरजत । केहा मुसलमानो ।। काफर मुकर होयकर राह गुमायो ।। जोय-जोय गाफल करे धिगाणों ।। ज्यू थे पच्छिम दिशा उलबंग पुकारो । भलजे यों चीन्हों रहमाणों ।। तो रूह चलंतै पिण्ड पड़तै। आवै भिस्त बिमाणों ।। चढ़-चढ़ भींते मड़ी मसीतें । क्या उलबंग पुकारो ।। कांहे काजै गऊ बिणासो । तो करीम गऊ क्यूं चारी ।। काहीं लीयो दूधूं दहियूं । काहीं लीयों घीयूँ महियें ।। काहीं लीयों हाडू मासूं । काही लीययूं रक्तूं रूहियूं ।। सुण रे काजी सुण रे मुल्लां। यामै कौण भया मुरदारूं ।। जीवां ऊपर जोर करीजै । अंतकाल होयसी भारूं ।।९।।