सबद-72
ओ३म् वेद कुराण कुमाया जालूं । भूला जीव कु जीव कु जाणी । बसंदर नहीं नख हीरुं । धर्म पुरुष सिरजीवै पूरुं । कलि का मायाजाल फिटाकर प्राणी । गुरु की कलम कुरांण पिछाणी । दींन गुमान करैलो ठाली । ज्यूं कण घातै घुण हाणी ।। सांच सिदक शैतान चुकावो । ज्यूं तिस चुकावै पाणी । मै नर पूरा सरबिण जो हारा । लेसी जां कै ह्दय लोयण । अंधा रहा इवांणी । निरख लहो नर निरहारी । जिन चोखंड भीतर खेल पसारी । जंपो रे जिण जंपे लाभै । रतन काया ए कहांणी । काहीं मारुं काहीं तारुं । किरीया बिहूंणा पर हथ सारूं । शील दहूं उबारुं उन्है । एकल एह कहांणी । केवल ज्ञानी थल शिर आयो । परगट खेल पसारी । कोड़ तेतीसो पोह रचावण हारी । ज्यूं छक आई सारी ॥७२॥