सबद – 65

सबद – 65

ओ३म् तउवा जाग जु गोरख जाग्या । निरह निरंजन निरह निरांलब । जुग छ्तीसों एकै आसन बैठा बरत्या । अवर  भी अबधू जागत जा़गूँ । तउवा त्यागज ब्रम्हा त्यागा । अवर भी त्यागत त्यागूं । तउवा भाग जो इश्वर मस्तक । अवर भी मस्तक भागूं । तउवा सीर जो ईशवर गोंरी । अवर भी कहियत सीरुं । तउवा वीर जो राम लक्ष्मण । अवर  भी कहियत बीरों । तउवा पाग जो दश शिर बांधी । अवर भी बांधत पागो । तउवा लाज जो सीता लाजी । अवर भी लाजत लाजूं । तउवा बाजा राम बजाया । अवर बजावत बाजूं  । तउवा पाज जो सिता कारण लक्ष्मण बांधी । अवर भी बांधत पाजूं । तउवा काज जो हनुमत सारा । अवर भी सारत काजूं । तउवा खागज जो कुम्भकरण महरावण खाज्या । अवर भी खावत खागूं । तउवा राज दुर्योधन माण्या । अवर भी माणत राजूं । तउवा रागज कन्हड़ बांणी । अवरर भी कहिये रागूं । तउवा माघ तुरंगम तेजी । टटू तण भी माघूँ । तउवा बागज हंसा टोली बुगला टोली भी बागूं ।। तउवा नाग उद्यावल कहिये । गरूड़ सीय भी नागूं ।  तउवा शागज नागरवेली । कूकर बगरा भी शागूं । जां जां शैतानी करै उफारुं  तां तां महंत फलियों । जुरा जम रा़क्षस जुरा जुरिनद्र । कंश केशी चंडरुं । मधु किचक हिरणाक्ष हिरणाकुस । चक्रधर बलदेऊं ।। पावत बासुदेवो  मंडलीक कांय न जोयबा । इहिं धर ऊपर रती न रहिबा रांजू ॥६५॥