सबद – 64
ओ३म् मैं कर भुला मंड पिराणी । काचै कन्ध अगाजूं । काचा कंन्ध गले गल जायसैं । बीखर जैला राजों । गड़ बड़ गाजा कांय बिबाजा । कण बिण कूकस कांय लेणा । कांय बोलो मुख ताजों । भरमी बादी अति अहंकारी । लावत यारी । पशुवां पडै भिरांन्ति । जीव विणासै लाहै कारणै । लोभ सवारथ खायबा खाज अखाजों । जो अति काले लेजम काले तेपण खीणा । जिहिं का लंका गढ़ था राजों । बिन हरित पाखर बिन गज गुडियों । बिन ढोला डूमां लाकडीयों । जाकै परसण बाजा बाजै । सो अपंर पर कांय न जंपो हिंदू मुसलमानों । डर डर जीव कै काजै । रावा रंका राजा रांवां । रावत राजा खाना खोजां। मीरां मुलका घंघ फकींरा । घंघा गुरंवा सूर नर देंवा । तिमर जू लंगा । आयसां जोयसां । साह पुरोहितां । मिश्रही ब्यासां रुखां बिरंखा । आव घटंती । अतरा माहे कूणं विशेषो । मरणत एको माघों । पशु मुकेरुं लहैन फेरूं । कहे ज मेरु सब जग केरुं । साचै सै हर कर घणेरूं । रिण छाणै ज्यूं बीखर जैला । तातैं मेरूं न तेरुं ।विसर गया ते माघूं । रक्तूं नातूं सेतूं धातूं । कुमलावै ज्यूँ सागू । । जीवर पिंड बिंछोवा होयसी । तदिन दाम दुगाणी। आडन पैको रती बिसोवा सीझै नाही ।ओपिंड काम न काजूं ।आवत काया लेआयो थो । जातैं सुको जागो । आवत खिण एक लाई थी पर जातै खिणी न लागो । भाग परापति कर्मा रेखां । दरंगे जबला जबला माघों । बिरखे पान झडे झड़ जायला । तेपण तई न लागूं । सेतूं दगधूं क वलज कलीयों । कुमलावै ज्यूं शागूं । ऋतूबशंती आई । और भलेरा शागूं । भूला तेण गयारें प्राणी । तिंही का खोज न माघूं । विष्णु विष्णु भण लई न साई । सुर नर ब्रम्हा को न गाई । तातैं जवर बिन डसीरे भाई । बास बसंतै कीवी न कमाई । जंवर तणा जमदूत दहैला । तातैं तेरी कहा न बसाई ॥६४॥