सबद-58
ओ३म् तउवा माण दुर्योधन माण्या । अवर भी माणत माणू ।। तउवादान जू कृष्णीं माया । और भी फूलत दानो । तउवा जाण जू सहस्र झूझया और भी झूझत जाणो ।। तउवा बाणजूं सीता कारण लक्ष्मण खैच्या। और भी खैंचत बाणौ ।। जपी तपी तकपीर ऋषीश्वर । तोल रह्या शैतानो ।। तिण किण खैंच न सके । शिंभु तणी कमाणू ।। तेऊ पार पहुंता नाहीं । ते कीयो आपो भांणो ।। तेऊ पार पहुंता नाहीं । ताकी धोती रही अस्माणो ।। बारां काजै हरकत आई । अधबिच मांड्यो थांणो ।। नारसिंह नर नराज नरवो । सुराज सुरवो ।। नरां नरपति । सुरा सुरपति । ज्ञान न रिंदो । बहुगुण चिन्दो । पहलू प्रहलादा आप पतलीयो । दुजा काजैं काम बिटलीयो ।। खेत मुक्त ले पंच करोड़ी ।। सो प्रहलादा गुरु की बाचा बहियों ।। ताका शिखर अपारूं ।। ताको तो बैकुंठे वासो । रतन काया दे सोंप्या छलत भण्डारूं ।। तेऊ तो उरवारे थाणो । अई अमाणो । तत समाणो । बहु प्रमाणो ।। पार पहुंचण हारा । लंका के नर शूर संग्रामे घणा बिरांमे ।। काले काने भला तिकंट। पहलै जूझ्या बाबर झंट।। पड़े ताल समंदा पारी । तेऊ रहीया लंकदवारी खेत मुक्तले सात करोड़ी । परशुराम के हुकम जे मूवां ।। सेतो कृष्ण पियारा । ताको तो बैकुंठे बासो । रतन काया दे सोंप्या छलत भंडारूं । तेऊ तो उरवारे थाणो ।। अई अमाणो। पार पहूंचन हारा ।। काफर खानो बुध्दि भराडो । खेत मुक्तले नव करोड़ी राव युधिष्ठर सेतो कृष्ण पियारा । ताकोतों बैकुण्ठ बासों ।। रतन काया दे सौंप्या छलत भंडारूं । तेऊ तो उरवारे थाणो ।। अई अमाणो ।। बहु परमाणो ।। पार पहूंचन हारा ।। बारा काजै हरकत आई । तातें बहुत भई कसवारूं ।। ५८ ।।