सबद-45
ओ३म् दोय मन दोय दिल सिंवी न कंथा । दोय मन दोय दिल पुली न पंथा ।। दोय मन दोय दिल कही न कथा । दोय मन दोय दिल सुणीं न कथा ।। दोय मन दोय दिल पंथ दुहेला ।। दोय मन दोय दिल गुरु न चेला । दोय मन दोय दिल बंधी न बेला । दोय मन दोय दिल रब्ब दुहेला ।। दोय मन दोय दिल सूई न धागा ।। दोय मन दोय दिल भिड़े न भागा ।। दोय मन दोय दिल भेव न भेऊ ।। दोय मन दोय दिल टेव न टेऊं ।। दोय मन दोय दिल केल न केला ।। दोय मन दोय दिल सुरग न मेला ।। रावल जोगी तां तां फिरियो । अण चीन्हैं के चाह्यो ।। कांहे काजै दिशावर खेलो । मन हठ सीख न कायों ।। थे जोग न जोग्या भोग न भोग्या । गुरु न चीन्हों रायों ।। कण विण कूकस कांय पीसो । निश्चय सरी न कायों ।। विण पायचिये पग दुख पावै । अबधू लोहै दुखी सकायों ।। पारब्रह्म की सुद्ध न जांणी । तो नागे जोग न पायों ।।४५।।