सबद-21
ओ३म् जिहिं कै सार असारूं । पार अपारूं । थाघ अथाघूं । उमग्या समाघूं ।। ते सरवर कित नीरूं । बाजालो भल बाजालो । बाजा दोय गहीरूं ।। एकण बाजै नीर बरसै । दूजे मही बिरोलत खीरूं ।। जिहि कै सार असारू । पार अपारूं ।। थाघ अथाघूं । उमग्या समाघू ।। गहर गंभीरूं । गगन पयाले ।। बाजत नादूं माणक पायो ।। फेर लुकायो । नहीं लखायो ।। दुनियां राती बाद विवादूं । बाद बिवादे दांणू खीणा ।। ज्यूं पहूपे खींणा भंवरी भंवरा। भावें जाण म जाण पिराणी ।। जोलै का रिप जंवरा । भेर बाजातो एक जोजनो अथवा तो दोय जोजनो । मेघ बाजातो पंच जोजनो ।। अथवा तो दश जोजनो । सोई उत्तम लेरे प्राणी ।। जुगां जुगांणी सत करि जांणी । गुरु का सबद ज्यूं बोलो झींणी बाणी ।। जिहि का दूरां हूँतै दूर सुणीजै । सो सबद गुणा कारूं ।। गुणा सारू बले अपारूं ।।२१।।